Rašeńni pa rasijskamu hazu pryniaty i buduć uzhodnieny na palityčnym uzroŭni. Pra heta paviedamiŭ siońnia žurnalistam ministr enierhietyki Uładzimir Patupčyk pierad pasiadžeńniem vynikovaj kalehii Minenierha, piša BiełTA.
Pa słovach ministra, pryncypova važna vykanać usie normy, zakładzienyja ŭ padpisanaj damovie ab JEAES. U pieršuju čarhu havorka idzie ab stvareńni roŭnych umoŭ dla subjektaŭ haspadarańnia ŭsich udzielnikaŭ sajuza.
«U suviazi z hetym, kab da 1 lipienia 2019 hoda stvaryć ahulny rynak elektraenierhii, a da 1 studzienia 2025 hoda — ahulny rynak hazu, my pavinny maksimalna zblizić ceny na haz, čym my siońnia i zajmajemsia. Usio, što zroblena ŭ hetaj častcy, daviedziena da hramadskaści vice-premjeram Biełarusi Uładzimiram Siamaškam i vice-premjeram Rasii Arkadziem Dvarkovičam. Usie dalejšyja kroki zaležać ad palityčnych rašeńniaŭ, jakija buduć prymacca na vyšejšym uzroŭni», — skazaŭ Uładzimir Patupčyk.
