U Hiermanii praciahvaje raści rejtynh kandydata na pasadu fiederalnaha kanclera ad Sacyjał-demakratyčnaj partyi Marcina Šulca i jaho partyi, Pra heta śviedčać dadzienyja apytańnia ARD-Deutschlandtrend, jakoje było apublikavana. Upieršyniu z kastryčnika 2006 hoda sacyjał-demakraty abahnali svaich kankurentaŭ z błoka Chryścijanska-demakratyčnaha (CHDS) i Chryścijanska-sacyjalnaha sajuzaŭ (CHSS), piša Dw.de
Za siem miesiacaŭ da vybaraŭ ich rejtynh skłaŭ 32 pracenty. Na druhim miescy błok CHDS / CHSS, nabirajučy 31 pracent, kandydatam u kanclery ad jakoha źjaŭlajecca Anhieła Mierkiel. Pravapapulisckaja partyja «Alternatyva dla Hiermanii» (ADH) atrymała 11 pracentaŭ hałasoŭ, «zialonyja» - 8 pracentaŭ, Levaja partyja — 7, libierały sa Svabodnaj demakratyčnaj partyi - 6.
Rost papularnaści Šulca šmat u čym źviazany ź jaho namieram praciahnuć pačatyja ŭ 2003 hodzie kancleram Hierchardam Šroderam reformy rynku pracy i sacyjalnaj śfiery, viadomyja pad nazvaj Agenda 2010. U pryvatnaści, vialikaj papularnaściu karystajucca jaho płany pa pašyreńni sistemy biesterminovych pracoŭnych dahavoraŭ i pavieličeńni terminu vypłaty dapamoh pa biespracoŭi.
