Dziaržaŭny chosteł płanujuć adkryć u Hrodnie, paviedamili BIEŁTA ŭ Hrodzienskim harvykankamie.
Fota «Viačerni Hrodna»
Dziaržaŭnuju haścinicu ekanom-kłasa majuć namier raźmiaścić u budynku pa vuł. Horkaha, 6. Raniej u im znachodzilisia siaredniaja škoła, vučebna-vytvorčy školny kambinat, a zatym dziciača-junackaja sportškoła. Pakolki sam budynak raźmieščany ŭ miežach histaryčnaha centra Hrodna i ŭ im jość svabodnyja pamiaškańni, adnoj ź idej ich vykarystańnia moža stać stvareńnie niedarahoj haścinicy.
Dla Hrodna heta aktualnaja tema ŭ suviazi z rostam patoku turystaŭ. Akramia taho, u chostele možna raźmiaščać spartsmienaŭ i ŭdzielnikaŭ roznych spabornictvaŭ.
Niadaŭna dziaržaŭny chosteł źjaviŭsia ŭ Lidzie Hrodzienskaj vobłaści. Jon adkryty na bazie Lidskaha rajonnaha centra turyzmu i krajaznaŭstva navučenskaj moładzi na vuł. Paŭlika Marozava. U bližejšy čas u Lidzie płanujecca adkryć jašče adzin padobny abjekt.
