Ministr unutranych spraŭ hienierał-lejtenant milicyi Ihar Šunievič raspavioŭ, kim byli «lasnyja braty» ŭ paślavajennaj Biełarusi. 2 sakavika jon uziaŭ udzieł u prahramie «Treba razabracca» na telekanale ANT. Adno z pytańniaŭ viadučaha Ryhora Kisiala datyčyła situacyi ŭ respublicy ŭ pieršaje paślavajennaje dziesiacihodździe, kali «dziejničała kala 300 bandaŭ» i ich zmahli likvidavać tolki da pačatku 1950-ch hadoŭ. Dyk kim jany byli? Bo ŭ tych ža krainach Bałtyi, va Ukrainie «lasnych bratoŭ» ličać hierojami. Šunievič pierakanany, što heta byli bandyty, siarod jakich znachodzilisia i ich «idejnyja natchnialniki».
Šunievič: «Adščapiency roznaha kštałtu, ad dezierciraŭ i zakančvajučy pakinutymi dyviersantami, dyviersijna-raźviedvalnymi hrupami abjadnoŭvalisia ŭ bandy pa adnym pryncypie: zabivać i rabavać, unosić chaos i smutu. Ich usich abjadnoŭvała bandyckaja sutnaść i kryminalny promysieł.
Tamu, ja dumaju, što afarboŭka hetych ludziej, afarboŭka hetych pavodzin i tych nastupstvaŭ jana adnaznačnaja: heta byli bandyty. Prosta ŭ toj čas takaja była śpiecyfika. Heta byli vialikija bandy, dobra ŭzbrojenyja. Zbroi chapała. Čaściakom i z-za miažy. U hetych bandach prysutničali idejnyja natchnialniki, jakija kiravali hetym bandyckim padpollem. Treba pryznać, što peŭnaja arhanizacyja viadoma isnavała tady».
