Fota: britishcondoms.uk
Brytanskaja kampanija British Condoms pačała prymać pieradzamovy na razumny preziervatyŭ i.Con Smart Condom. Pra heta paviedamlaje Forbes.
Karystalniku abiacajuć dać poŭnuju infarmacyju ab pałavym akcie: jaho praciahłaść, chutkaść i siłu ruchaŭ, kolkaść zatračanych kałoryj, a taksama tempieraturu cieła. Vytvorcy śćviardžajuć, što pryłada taksama budzie papiaredžvać ab najaŭnaści vienieryčnych zachvorvańniaŭ.
Niahledziačy na nazvu, i.Con Smart Condom, u sutnaści, nie źjaŭlajecca preziervatyvam. Heta kalco, jakoje čaplajecca na zvyčajny kantraceptyŭ i moža pieradavać źviestki praz Bluetooth. Pradaŭcy zapeŭnivajuć, što ŭsia sabranaja infarmacyja zachoŭvajecca vyklučna ananimna, adnak kali ŭładalniku vielmi zachočacca, jon moža padzialicca svaimi zasłuhami ŭ sacyjalnych sietkach.
Jak adznačaje The Sun, pryłada dla mužčynskaha pałavoha orhana padobnaja da fitnes-branzaleta FitBit. Jaje košt — 59,99 funta sterlinhaŭ (kala 140 rubloŭ).
