U Minsku inśpiektary zatrymali biaspraŭnika na Nissan Altima. Pra toje, što mužčyna nie maje paśviedčańnia kiroŭcy i pajechaŭ na aŭtamabili, paviedamiła jaho žonka.
— Na liniju «102» pastupiła paviedamleńnie ad žančyny, jakaja raspaviała, što jaje muž (razam jany nie žyvuć i znachodziacca ŭ pracesie razvodu), nie majučy prava kiravańnia, vyjazdžaje na Nissan z praśpiekta Pieramožcaŭ, 73, i pajedzie ŭ napramku vulicy Arłoŭskaj, — raspaviała radstaŭnik DAI Centralnaha rajona Anastasija Radźko.
Infarmacyja pra mierkavanaha parušalnika była pieradadziena supracoŭnikam DAI. Inśpiektary spynili Nissan. Akazałasia, što 40-hadovy kiroŭca sapraŭdy nie maje pravoŭ (nikoli nie atrymlivaŭ). Akramia taho, vyśvietliłasia, što ŭ 2008 i 2011 hadach mužčynu zatrymlivali za kiravańnie aŭtamabilem u stanie ałkaholnaha apjanieńnia.
Na parušalnika inśpiektary skłali administracyjny pratakoł pa č. 2 art. 18.19 KaAP Biełarusi (Upraŭleńnie TS asobaj, što nie maje prava kiravańnia hetym srodkam, ździejśnienaje paŭtorna na praciahu hoda).
Mužčynu pahražaje štraf ad 20 da 50 bazavych vieličyń.
