Delfi.lt
U vychodnyja dni ŭ Biełarusi siaredniesutačnaja tempieratura pavietra była na 7—14 hradusaŭ vyšej za klimatyčnuju normu. Taki tempieraturny fon adpaviadaje siaredzinie krasavika. Na hetym tydni vyznačalny ŭpłyŭ na nadvorje ŭ krainie buduć akazvać atmaśfiernyja franty, jakija źmiaščajucca z paŭdniovych i paŭdniova-zachodnich rajonaŭ Jeŭropy. Čakajecca niaŭstojlivaje z apadkami nadvorje, tempieraturny fon zachavajecca značna vyšej za klimatyčnuju normu. Pra heta raspaviała namieśnik načalnika słužby mietearałahičnych prahnozaŭ Respublikanskaha centra pa hidramietearałohii Śviatłana Rybakova.
U aŭtorak, 7 sakavika, nadvorje buduć vyznačać atmaśfiernyja franty, jakija źmiaščajucca z poŭdnia. U bolšaści rajonaŭ respubliki projduć daždžy, pa paŭnočnym zachadzie krainy - z mokrym śnieham. U načnyja i ranišnija hadziny słaby tuman, u paŭnočnych rajonach na asobnych učastkach daroh hałalodzica. Tempieratura pavietra minimalnaja nočču + 1 … + 6°S, pa poŭnačy panižeńnie da 0 … -2°S; maksimalnaja dniom + 2 … + 8°S, pa poŭdni pavietra prahrejecca da + 9 … + 11°S.
U sieradu, 8 sakavika, zachavajecca ŭpłyŭ atmaśfiernych frantoŭ. Nočču ŭ krajnich paŭnočna-ŭschodnich i paŭdniova-zachodnich rajonach respubliki, dniom pieravažna pa zachodniaj pałovie krainy projduć karotkačasovyja daždžy. Nočču i ranicaj słabyja tuman i hałalod, na asobnych učastkach daroh hałalodzica. Tempieratura pavietra minimalnaja nočču -2 … + 5°S, maksimalnaja dniom + 4 … + 11°S, pa paŭdniovym uschodzie da +14°S. U Minsku 8 sakavika nočču apadki małaimaviernyja, dniom mahčymy karotkačasovy doždž. Minimalnaja tempieratura pavietra nočču + 1 … + 3°S, maksimalnaja dniom + 7 … + 9°S.
U čaćvier, 9 sakavika, charaktar nadvorja istotna nie źmienicca. Pieravažna ŭ zachodnich i centralnych rajonach krainy projduć karotkačasovyja daždžy; u paŭnočna-zachodnich rajonach respubliki mokry śnieh, nočču słaby hałalod, na asobnych učastkach daroh hałalodzica. Tempieratura pavietra minimalnaja nočču 0 … + 6°S, pa paŭnočnym zachadzie da -2°S; maksimalnaja dniom + 6 … + 12°S, pa paŭnočnym zachadzie + 3 … + 5°S.
Z piatnicy pa niadzielu, 10-12 sakavika, zachavajecca niaŭstojlivaje nadvorje. Na bolšaj častcy terytoryi krainy prahnazujucca karotkačasovyja apadki (doždž, pa poŭnačy z mokrym śnieham), nočču i ranicaj u paŭnočnych rajonach mahčymy słaby hałalod. Tempieratura pavietra minimalnaja nočču -2 … + 5°S, maksimalnaja dniom + 3 … + 10°S, pa poŭdni da +12°S.
