Namieśnik premjer-ministra — ministr zamiežnych spraŭ Bielhii Dydje Rejnders zaklikaŭ ułady Biełarusi da dyjałohu z praciŭnikami «padatku na darmajedstva». Pra heta jon zajaviŭ pa vynikach pieramoŭ ź ministram zamiežnych spraŭ Biełarusi Uładzimiram Makiejem.
Bielhija zaklikaje ŭłady Biełarusi da dyjałohu z praciŭnikami «padatku na darmajedaŭ», zajaviŭ kiraŭnik MZS Bielhii Dydje Rejnders žurnalistam paśla pieramovaŭ ź biełaruskim kaleham Uładzimiram Makiejem u sieradu ŭ Minsku.
«My abmiarkoŭvali situacyju demanstracyj i zatrymańniaŭ siońnia. My chacieli b, kab pa hetych pytańniach praciahvaŭsia dyjałoh pamiž uładami i hramadzianskaj supolnaściu», — skazaŭ Rejnders.
U adkaz na heta kiraŭnik MZS Biełarusi Uładzimir Makiej zajaviŭ, što «niekatoryja sprabujuć vykarystoŭvać hetyja manifiestacyi ŭ asabistych metach».
«Što tyčycca kankretnych zatrymańniaŭ, tam treba pahladzieć na ŭdzielnikaŭ hetych manifiestacyj i vyznačyć, chto ŭ ich udzielničaŭ, — ci tyja asoby, chto niepasredna byŭ padvieržany pałažeńniam hetaha dekreta. Nam zdajecca, što mnohija asoby i tut, i za miežami Biełarusi sprabujuć vykarystoŭvać hetyja manifiestacyi ŭ svaich asabistych metach», — zajaviŭ ministr.