Namieśnik ministra pa nadzvyčajnych situacyjach Dźmitryj Biahun zatrymany pa padazreńni ŭ atrymańni chabaru. Pra heta Alaksandr Łukašenka raskazaŭ siońnia ŭ čas razmovy ŭ Mahilovie z rabotnikami pradpryjemstvaŭ kampanii «Kronaspan».
Dźmitryj Biahun padazrajecca ŭ atrymańni chabaru ad biznesoŭca za ŭvod u stroj abjekta z parušeńniem patrabavańniaŭ supraćpažarnaj biaśpieki.
«Chabar braŭ. Na miescy ŭziali ŭsich. Čaho kryŭdzicca na mianie? Usie adnolkavyja pierad zakonam: i ministry, i namieśniki ministra, - adznačyŭ Alaksandr Łukašenka. - Śviecić vosiem hadoŭ minimum. Darabić da hienieralskaj pasady, kab u turmie pravieści čas».
Pry hetym kiraŭnik krainy źviarnuŭ uvahu, što ŭ takich vypadkach čynoŭniki nie sami prymajuć abjekty z parušeńniami, a daručajuć heta svaim padnačalenym. «Tak zahnivaje hramadstva, hniłatoj pakryvajecca, — dadaŭ kiraŭnik dziaržavy. - Namieśnik ministra, vialiki čałaviek. Što tabie treba, pracuj. Čaho tabie nie chapaje?».