Zavieršanaja pieršaja za 200 hadoŭ restaŭracyja kaplicy chrama Truny Haspodniaj (viadomy taksama jak Ijerusalimski Chram Uvaskresieńnia Chrystova), pad jakoj, jak abviaščaje padańnie, znachodzicca hrabnica Isusa. Pra heta paviedamlajuć infarmahienctvy sa spasyłkaj na hazietu The Times of Israel.
AR
Restaŭracyju pravodzili hrečaskija śpiecyjalisty. Adkryćcio kaplicy, pavodle papiaredniaj infarmacyi, adbudziecca 22 sakavika. Na mierapryjemstvie buduć prysutničać kiraŭnik katalickaj carkvy papa Francišak, a taksama kiraŭnik Kanstancinopalskaj pravasłaŭnaj carkvy Usialenski patryjarch Varfałamiej I.
Pavodle źviestak vydańnia, padčas rabot byŭ demantavany mietaličny karkas, jaki akružaŭ kaplicu z 1947 hoda, a kamienny fasad śviatyni ačyščany ad sažy, jakaja źjaviłasia ad śviečak. Taksama restaŭratary prasiekli akno, jakoje ŭpieršyniu dazvolić pilihrymam zirnuć na mahiłu Zbaviciela.
Paviedamlajecca, što restaŭracyjnyja raboty doŭžylisia dzieviać miesiacaŭ, na ich było vydatkavana kala $4 młn. Prajekt realizoŭvaŭsia na achviaravańni.
Truna Haspodniaja — hałoŭnaja śviatynia chryścijanskaha śvietu. Ličycca, što jon staić na tym samym miescy, dzie, zhodna sa Śviatym Pisańniem, byŭ pachavany, a zatym uvaskres Isus Chrystos.
