U 2017 hodzie Rasija praviała samaje maštabnaje skaračeńnie vajennych vydatkaŭ za apošnija čverć stahodździa. Fiederalnaje kaznačejstva Rasii apublikavała čarhovuju spravazdaču, u jakim paćvierdziła źnižeńnie biudžetnych raschodaŭ na abaronu, paviedamlaje BSBlog sa spasyłkaj na partał janes.com.
Pavodle spravazdačy, vydatki Minabarony RF u biahučym hodzie buduć zrezanyja z 3,8 ($65,4 młrd) da 2,8 trłn rubloŭ ($48,4 młrd) — heta kala 26%. Takim čynam, u suśvietnym rejtynhu vajennych vydatkaŭ Rasija apuścicca z čaćviortaha miesca na vośmaje, prapuściŭšy napierad Vialikabrytaniju, Indyju, Francyju, a taksama Japoniju abo Hiermaniju, vajennyja biudžety jakich u papiarednija hady byli prykładna adnolkavyja. Letaś Rasija pieramiaściłasia z treciaj pazicyi na čaćviortuju, pamianiaŭšysia miescami z Saudaŭskaj Aravijaj.
Heta pieršaje istotnaje skaračeńnie vajennych vydatkaŭ Rasii za apošnija hady. Tak, z 2011 hoda biudžet Minabarony RF štohod pavialičvaŭsia amal na 20%. Ciapierašniaje skaračeńnie abaronnaha biudžetu na amal 26% ad zapłanavanaha viernie vydatki Minabarony na ŭzrovień 2014 hoda.
