Studenckaje etnahrafičnaje tavarystva i Dziaržaŭny litaraturny muziej Ja. Kupały ŭžo ŭ siomy raz zaprašajuć pahukać viasnu ŭ Viazynku! Śviata adbudziecca 26 sakavika, pačatak — 13.00. U prahramie viesnavyja pieśni i karahody, hulni dla moładzi i dziaciej, tradycyjnaja muzyka i tancy, kirmaš.
Zahukać viasnu ŭ hetym hodzie źbirajucca śpieŭnyja hurty «Guda», «Varhan» (h. Połack), «Horyń», «Dainava», «Miareža», «Rutvica», dziciačyja kalektyvy «Kałychanka» (a/h Michanavičy) i «Soniejka» (h. Łahojsk), a taksama muzyki A. Krukoŭski, D. Suchi, D. Zujeva, V. Jančy, S. Čavus, Ja. Baryšnikaŭ, V. Fiodarava, R. Jaraš, A. Jaskievič, S. Čubryk, K. Radziviłava i kłub tradycyjnaha tanca «SITA». Siamiejnaja studyja N. Suchoj padčas śviata zładzić pierformans sa śviściołkami, a paśla praviadzie majstar-kłas. Akramia hetaha, projdzie majstar-kłas pa vilejskich tancach ad spadaryni Zinaidy Hubaravaj-Krupskaj (h. Vilejka).
Našyja siabry, hramadskaja arhanizacyja «Achova ptušak Baćkaŭščyny», taksama sioleta rychtujuć šmat cikavaha: naviedvalniki zmohuć pašukać z arnitałahičnaj truboj i binoklami ptušak u Viazyncy, paŭdzielničać u vyrabie papiarovych ptušak i ŭpryhožyć imi drevy, sfatahrafavacca ŭ admysłova padrychtavanaj fotazonie.
Zaklikajem usich udzielnikaŭ śviata, jak i zaŭždy, uziać z saboju dobry nastroj, viasiołuju kampaniju, ptušak i stužki na drevy i ŭsim razam pahukać viasnu ŭ pieršyja ciopłyja dziańki hoda!
Dla ŭvachodu na terytoryju muzieja treba budzie nabyć kvitok: dzieci i studenty 1 rub., darosłyja — 2 rub.
Jak dajechać: elektryčka ź Miensku (st. Minsk-Pasažyrski) jedzie ŭ 11.33, prybyvaje ŭ Viazynku ŭ 12.24. Nazad ź Viazynki možna jechać u 17.06, 17.40.
Sačycie za navinami u našych supołkach u VK i FB! Da sustrečy ŭ Viazyncy!
Kantakty: 8029 275 27 71 Hanna.
