Jak paviedamili čytačy «Našaj Nivy», u Breście supracoŭnikaŭ mnohich pradpryjemstvaŭ zmusili pracavać na Dzień Voli 25 sakavika. Adnych prymusili napierad adpracavać za druhi dzień Vialikadnia. Inšym pierastavili dzień raboty ź minułaj piatnicy. Ludzi miarkujuć, što heta kab nie dapuścić ludziej na dazvolenaje šeście pratestu ŭ horadzie i kab jany nie pajechali ŭ Minsk.
U Breście sankcyjanavanaje šeście pryznačanaje na 12.00 i raspačniecca na skryžavańni praśpiekta Mašerava i bulvara Kasmanaŭtaŭ. Šeście projdzie praśpiektam Mašerava, dalej piešachodnaj vulicaj Savieckaj, zatym vulicaj Budzionnaha da płoščy Svabody, dzie adbudziecca mitynh. Karespandenty «Našaj Nivy» buduć raskazvać pra jaho anłajn.
0
0
0
0
0
0
