Tradycyjnaja dobraachvotnaja akcyja «Tydzień lesu» projdzie ŭ krainie z 1 pa 8 krasavika, paviedamili ahienctvu «Minsk-Naviny» ŭ pres-słužbie Ministerstva lasnoj haspadarki Respubliki Biełaruś.
Sioletni, užo 10-ja pa liku, «Tydzień lesu» pryśviečany adnaŭleńniu lasoŭ, paškodžanych urahanami, jakija prajšli pa terytoryi Biełarusi letam minułaha hoda.
Kab paŭdzielničać u akcyi, treba źviarnucca ŭ bližejšy lashas ci laśnictva. Prybyŭšy ŭ abumoŭlenaje miesca ŭ pryznačany čas, dobraachvotniki atrymajuć pasadačny materyjał, pryłady pracy i instrukcyi ad rabotnikaŭ lashasa, što i jak treba rabić.
U Ministerstvie lasnoj haspadarki raskazali, što samaj masavaj za ŭsie hady praviadzieńnia była letašniaja akcyja: za vosiem dzion u joj uziała ŭdzieł amal 81 tysiača čałaviek.