Jak paviedamiŭ karespandentu NN adzin ź siabroŭ «Instytuta matematyki i kibiernietyki» Pavieł Buka, pavodle jaho źviestak, ciapier śledčyja finansavaj milicyi hutarać z studentami zavočnaj ukrainskaj prahramy «Instytuta» i słuchačami biaspłatnych lekcyj.
«Sprabujuć znajści ślady finansavaj dziejnaści, niejkija raśpiski, choć nijakaj finansavaj dziejnaści ŭ Biełarusi Instytut nie pravodziŭ», — kaža Pavieł Buka.
Biełaruskamoŭnych vykładčykaŭ, siabroŭ «Instytuta matematyki i kibiernietyki» Paŭła Buku i Źmitra Kanaplanikava 18 sakavika apytali ŭ Departamiencie finansavych rasśledavańniaŭ KDK pa padazreńni ŭ dziejnaści bieź licenzii. Pierad tym u ich doma prajšli vobšuki.
«Instytut matematyki i kibiernietyki» — heta hramadskaja arhanizacyja, siabry jakoj raspracavali adukacyjnuju prahramu dla biełaruskamoŭnaha navučańnia prahramistaŭ.
Jany damovilisia ź Mižnarodnym ekanamična-humanitarnym univiersitetam imia akademika Ściapana Dziemjančuka ŭ Roŭnie (Ukraina). Tam biełaruskamoŭnyja prahramisty vučacca asobnaj płyńniu. U Biełarusi, kažuć zasnavalniki, «Instytut» ładziŭ tolki biaspłatnyja lekcyi.
Prahrama doŭžycca ŭžo try hady, štohod na jaje nabirajecca kala 15 zavočnikaŭ, jakija majuć atrymać aficyjny ŭkrainski dypłom.
