Biełaruś stała «pieravałačnaj bazaj» dla pastavak sankcyjnych praduktaŭ ź Jeŭropy ŭ Rasiju paśla ŭviadzieńnia na ich embarha. Pra heta siońnia na kalehii Raśsielhasnahladu zajaviŭ ministr sielskaj haspadarki Rasii Alaksandr Tkačoŭ.
«Biełaruś skarystałasia pieravahami zony svabodnaha handlu na terytoryi Jeŭrazijskaha sajuza i ŭ karotki termin stała najbujniejšaj pieravałačnaj bazaj sankcyjnaj pradukcyi na terytoryju Rasii», — skazaŭ Tkačoŭ, nazvaŭšy padobnuju palityku biełaruskich uładaŭ «imknieńniem stać uvachodnymi varotami, abo, kali zaŭhodna, zadnimi dźviaryma, rasijskaha rynka».
«Heta vialikaja spakusa u abychod abmiežavańniaŭ dla šerahu zachodnich krain, zavieźci da nas sankcyjnuju pradukcyju», - padkreśliŭ ministr.
Pavodle jaho słoŭ, z momantu ŭviadzieńnia charčembarha ŭ 2014 hodzie Biełaruś zaniała zvyš 15% impartnaha rynku Rasii. Jašče ŭ 2012 hodzie dola pastavak pradukcyi z hetaj krainy nie pieravyšała 1%, padkreśliŭ ministr.
