Ranicaj 4 krasavika ŭ haražy pryvatnaha doma ŭ Stoŭbcach adbyŭsia vybuch. U vyniku zdareńnia haspadar haraža atrymaŭ roznyja traŭmy i znachodzicca ŭ reanimacyi. Pra heta TUT.BY paviedamiŭ aficyjny pradstaŭnik MNS Vital Navicki.
Fota MNS
Paviedamleńnie ab vybuchu ŭ haražy ŭ Stoŭbcach na vulicy Prytyckaha pastupiła ŭ MNS 4 krasavika ŭ 08.02. Ratavalniki pabačyli razburany ŭ vyniku vybuchu haraž pryvatnaha doma.
U haražy pad budaŭničymi kanstrukcyjami znachodziŭsia čałaviek. Ratavalniki vyciahnuli z-pad abłomkaŭ muža ŭładalnicy doma. Mužčyna z papiarednim dyjahnazam «termičnyja apioki 1-2 stupieni (10%)» i traŭmami roznaj stupieni ciažkaści špitalizavany ŭ reanimacyjnaje adździaleńnie.
U vyniku vybuchu abrynulisia 2 ściany i dach haraža. Pryčyny vybuchu vyśviatlajucca.
