Kamunalnyja słužby Savieckaha rajonu Miensku zapatrabavali ad Partyi BNF źniać z fasadu budynku, dzie raźmiaščajecca partyjny ofis, bieł-čyrvona-bieły ściah.
U advarotnym vypadku z Partyjaj BNF moža być razarvanaja damova ab arendzie pamiaškańnia. Kiraŭnictva BNF ličyć, što patrabavańnie kamunalnikaŭ parušaje artykuł 21 «Zakonu ab palityčnych partyjach», u adpaviednaści ź jakim partyja maje prava prapahandavać svaje idei.
«Ciapierašniaja sytuacyja — sproba adciahnuć uvahu partyi ad parlamenckaj kampanii, kali ŭ nas chapaje inšych spravaŭ», – kaža staršynia Partyi BNF Lavon Barščeŭski.
Ułady i raniej usialak damahalisia źniaćcia ściaha. Dziejničali časam i podstupam — śpilvali dzieržaki. Tym nia mienš, Narodny Front ściah zachoŭvaŭ.