Inviestkampanija «Zubr Kapitał» nabyła błakavalnuju dolu ŭ «Tryainviest», jakaja vałodaje bujnoj internet-kramaj 21vek.by. Dadzienuju infarmacyju TUT.BY paćvierdzili abodva ŭdzielniki ŭhody. Suma ŭhody standartnaja dla fondu: 3—7 młn dalaraŭ. Pieramovy vialisia daŭno, skazaŭ Andrej Fiłon, kuratar prajekta z boku «Zubr Kapitału».
Suzasnavalnik i kiraŭnik kampanijaj 21vek.by Siarhiej Vajniłovič spadziajecca, što pryciahnieńnie fondu «Zubr Kapitał» «stanie mahutnym katalizataram raźvićcia kampanii». «Ź finansavaha punktu hledžańnia inviestycyi dazvolać paskoryć rost na rynku Biełarusi, a taksama razhledzieć vychad i za jaho miežy», — adznačyŭ jon.
Pa dadzienych spravazdačnaści, abarot 21vek.by, jaki zasnavali Siarhiej Vajniłovič, Pavieł Matusievič i Ivan Pluhačoŭ, u 2016 hodzie skłaŭ 50 młn dalaraŭ. Pa acency deal.by, kampanija ŭ minułym hodzie zajmała 14% biełaruskaha rynku internet-handlu.
