Pčalaroŭ nie papiaredzili pra chimičnuju apracoŭku pola z kaniušynaj, u vyniku čaho paciarpieli pasieki ŭ troch vioskach.
Zdareńnie adbyłasia ŭ paniadziełak na terytoryi Kapcioŭskaha sielsavietu. U troch vioskach pahinuli pčoły. Najbolš paciarpieli pasieki ŭ Novikach i Ćvikličach. Pčalary vinavaciać miascovuju haspadarku, jakaja nie papiaredziła ich ab praviadzieńni chimičnaj apracoŭki paletkaŭ. Heta samy maštabny vypadak hibieli pčołaŭ u hetaj miascovaści za apošnija sorak hadoŭ. Pčalary pryjšli da vysnovy, što ichnija hadavancy pahinuli ŭ časie apracoŭki kaniušynavaha pola, kudy pčoły źlatalisia z usioj akruhi. Versiju pra chimičnaje atručvańnie paćvierdzili i chimičnyja analizy.
Usie paciarpiełyja pčalary zarehistravanyja ŭ miascovym sielsaviecie. Pavodle instrukcyi praviadzieńnia chimičnaj apracoŭki pola haspadaroŭ pasiekaŭ musili papiaredzić za try dni, kab tyja paśpieli začynić vulli. Miascovyja žychary paćvierdzili, što kaniušynu apracoŭvali za try dni da masavaha moru pčołaŭ.
Na adnaŭleńnie pčalinych siemjaŭ spatrebicca niekalki hod.
