Mužčyna zahinuŭ u vyniku padzieńnia ź vierchnich pavierchaŭ budynka Upraŭleńnia ŭnutranych spraŭ u Hrodna. Pra heta TUT.BY paviedamili vidavočcy. Pavodle ŭdakładnienych źviestak, jon pryjšoŭ u milicyju dla praviadzieńnia daśledavańnia na palihrafie.
Fota Ihara Remzika
Incydent adbyŭsia ranicaj. Pa śviedčańniach vidavočcaŭ, mužčyna zvaliŭsia z akna vierchniaha paviercha budynka UUS na vulicy Akademičnaj.
Zahinuły - 53-hadovy miascovy žychar, jaho zaprasili ŭ milicyju dla praviadzieńnia palihrafičnaha daśledavańnia ŭ ramkach pravierki, što pravodziłasia ŭ dačynieńni da jaho. Pra heta paviedamlaje pres-słužba UUS.
«Paśla zakančeńnia pracedury mužčyna zastaŭsia čakać vynikaŭ u faje čaćviortaha paviercha. Praź niekatory čas jaho trup byŭ znojdzieny la budynka UUS. Jak miarkujecca, mužčyna skončyŭ žyćcio samahubstvam».
U abstavinach zdareńnia zaraz raźbirajecca Upraŭleńnie Śledčaha kamiteta pa Hrodzienskaj vobłaści.