Sierbija chacieła b nabyć zienitna-rakietnyja kompleksy S-300. Jak paviedamlaje sierbski telekanał RTS, pra heta zajaviŭ novy prezident krainy Alaksandr Vučyč.
Pry hetym Vučyč adznačyŭ, što Białhrad abmiarkoŭvaje mahčymaść nabyćcia sistem S-300 nie tolki z Rasijaj, ale i ź Biełaruśsiu. Na ciapierašni momant aformlenaha pahadnieńnia ab pastaŭcy zienitna-rakietnych sistem ź jakoj-niebudź z krain u Białhrada niama. «Pa S-300 niama pahadnieńnia. Ja zhadaŭ pra heta na pieramovach z prezidentam Pucinym, i my razmaŭlali pra heta. Razmaŭlaŭ pra heta i z prezidentam Łukašenkam», — raspavioŭ kiraŭnik Sierbii.
Akramia taho, Vučyč prakamientavaŭ čutki ab pastaŭkach Rasijaj kompleksaŭ S-300 u Charvatyju ŭ abychod embarha AAN u 90-ja hady. Jon padkreśliŭ, što paśla taho jak rasijskija ŭłady aficyjna abvierhli hetyja abvinavačvańni, nahoda dla abmierkavańnia była vyčarpana. Akramia taho, adznačyŭ Vučyč, kompleksy S-300 - «nie ihołka, kab ich možna było schavać».
