Jak paviedamlała raniej «Naša Niva», Alija Šahijeva, małodšaja dačka prezidenta Kyrhyzstana Ałmaźbieka Atambajeva, vykłała ŭ internet fotazdymki, dzie jana kormić syna Taira. Jaje zanadta fryvolnaje staŭleńnie da hetaha intymnaha pracesu, pa mierkach tradycyjnaha hramadstva, vyklikała aktyŭnaje abmierkavańnie.
U svaich pastach Šahijeva ŭsiaho tolki krytykavała hiendarnuju niaroŭnaść i dyskryminacyju kormiačych maci, a ŭ vyniku sutyknułasia z krytykaj i abureńniem. Žurnalisty Daily Mail na svaim sajcie navat apublikavali artykuł z zahałoŭkam «Dačka prezidenta Kyrhyzstana abvinavačvajecca ŭ tym, što «zhańbiła» svaju siamju, apublikavaŭšy fatahrafii hrudnoha vykormlivańnia ŭ krainie, jakaja składajecca na 75% z musulman». Chutka dziaŭčyna vyrašyła vydalicca z usich sacsietak, pakinuŭšy tolki adnu staronku.
«Heta maja adzinaja asabistaja staronka ŭ siecivie, na jakoj bolš ničoha nie źjavicca. Ja tut dla znosin ź ludźmi, dla viadzieńnia staronki pa tvorčaści «reštki sumlennaści» i dziela navin hrup, na jakija padpisanaja. Sumlennaść nikomu nie patrebna», — rastłumačyła jana svaje dziejańni na ścianie va ŭkantakcie.
