U stalicy padletak loh u čyhunačnuju kalainu pierad elektraciahnikom, a jaho pryjaciel zdymaŭ situacyju na telefon, paviedamili ahienctvu «Minsk-Naviny» ŭ Minskaj transpartnaj prakuratury.
— Ranicaj 12 krasavika mašynist elektraciahnika Smalavičy — Minsk na pierahonie stancyja Ściapianka — st. Minsk-Uschodni užyŭ ekstranaje tarmažeńnie dla praduchileńnia najezdu na niepaŭnaletnich. Adzin ź ich, pa słovach mašynista, loh u kalainu pierad ciahnikom, a druhi zdymaŭ na telefon, jak elektraciahnik prajazdžaje nad lažačym čałaviekam. Paśla chłopcy źbiehli. Pa hetym fakcie pravodzicca pravierka, — raspaviała pamočnik Minskaha transpartnaha prakurora Śviatłana Zujeŭskaja.
Jana nahadała, što adkaznaść za parušeńnie praviłaŭ biaśpieki ruchu na čyhunačnym ci haradskim elektryčnym transparcie praduhledžana art. 18.3 Kodeksa ab administracyjnych pravaparušeńniach. Tolki prachod pa čyhunačnych šlachach abo znachodžańnie na ich u niedazvolenym miescy ciahnuć štraf u pamiery ad 0,2 da 2 bazavych vieličyń (č. 5 art. 18.3 KaAP). Kali parušalniki zanadta maładyja, kab nieści adkaznaść, za dziaciej adkazvać daviadziecca ich baćkam.
