U Dziarždumu RF uniesieny zakonaprajekt, jaki ŭraŭnoŭvaje pravy biełaruskich kiroŭcaŭ z rasijskimi. Dakumient užo apublikavany na sajcie nižniaj pałaty rasijskaha parłamienta, paviedamlaje belmarket.by.
Z 1 červienia 2017 hoda ŭ Rasii ŭstupajuć papraŭki ŭ KoAP i zakon «Ab biaśpiecy darožnaha ruchu». Jany zabaraniajuć prymać na pracu kiroŭcaŭ z zamiežnymi pravami. Taksama im zabaraniajecca zajmacca pradprymalnickaj dziejnaściu. Dla pracy zamiežnyja kiroŭcy pavinny buduć paćvierdzić svaje navyki, atrymaŭšy rasijskija pravy.
Zakonaprajekt, uniesieny ŭ Dziarždumu, robić vyklučeńnie dla ŭładalnikaŭ biełaruskich praŭ kiroŭcy. Jany zmohuć nie paćviardžać svaje navyki ŭ Rasii i zmohuć uładkoŭvacca na pracu abo zajmacca pradprymalnickaj dziejnaściu, źviazanaj ź pieravozkami.
Zakonaprajekt zaklikany likvidavać roznačytańni pamiž novymi redakcyjami rasijskich zakonaŭ i isnujučymi miždziaržaŭnymi pahadnieńniami, jakija harantujuć hramadzianam Sajuznaj dziaržavy roŭnyja pravy.
