Ciapier karystalniki, jakija vychodziać ź sietki «UKantakcie», adrazu traplajuć u afłajn, a nie zachoŭvajuć status «Online» na praciahu 15 chvilin. Va «UKantakcie» paćvierdzili TJournal fakt novaŭviadzieńnia.
Doŭhi čas pryncyp pracy statusu «Online» va «Ukantakcie» byŭ nieadjemnym elemientam subkultury runetu. Typovaj była situacyja, kali adzin karystalnik pisaŭ u asabistyja paviedamleńni inšamu, jaki znachodziŭsia anłajn, tolki kab praz 15 chvilin vyjavić, što toj užo syšoŭ.
Ź inšaha boku, u statusie zaŭsiody adlustroŭvaŭsia dakładny čas apošniaha zachodu karystalnika ŭ sietku, i časam heta słužyła dakładnym indykataram internet-aktyŭnaści čałavieka.
Jak rastłumačyli va «UKantakcie», u sacsietcy pierapisali sistemu takich statusaŭ. Ciapier pry razłahinie status «Byŭ u sietcy» pakazvaje datu apošniaha naviedvańnia biez zatrymki — z dakładnaściu da siekund.
