Linhvistyčnuju i aŭtaraznaŭčuju ekśpiertyzy płanujuć ukaranić u Biełarusi, paviedamili BIEŁTA ŭ pres-słužbie Dziaržaŭnaha kamiteta sudovych ekśpiertyz Biełarusi.
Tak, u bližejšy čas płanujecca arhanizavać i pravieści kompleks mierapryjemstvaŭ pa ŭkaranieńni ŭ praktyku novych vidaŭ (padvidaŭ) ekśpiertyz, u tym liku hiemałahičnaj (minierałahičnaj), linhvistyčnaj (ustanaŭleńnie najaŭnaści abo adsutnaści ŭ moŭnym tvory linhvistyčnych prykmiet abrazy), aŭtaraznaŭčaj (piśmovych tekstaŭ), elektrašokavych pryład i h. d. U Dziaržkamitecie budzie zabiaśpiečanaja aŭtamatyzacyja ŭlikaŭ trasałahičnych śladoŭ i kalekcyi błankaŭ dakumientaŭ z peŭnaj stupieńniu abarony.
Čaściakom mienavita zaklučeńnie ekśpierta stanovicca klučavym arhumientam u raskryćci złačynstvaŭ, śćviardžajuć u DKSE. Tolki za 2016 hod Dziaržkamitetam praviedziena bolš za 309 tysiač ekśpiertyz. U miesiačny termin vykonvajeccca bolš za 99% pastanoŭ ab pryznačeńni ekśpiertyz.