Dakładnaje kolkaść zahinułych u vyniku napadu pa-raniejšamu nieviadomaja. Fota Reuters
Ministr abarony Afhanistana i načalnik hienštaba syšli ŭ adstaŭku paśla napadu «Talibana» na vajennuju bazu pad Mazary-Šaryfam, u vyniku jakoha zahinuła bolš za sotniu vajskoŭcaŭ.
Napad na bazu adbyŭsia ŭviečary ŭ piatnicu. Taliby prabralisia na bazu, pieraapranuŭšysia ŭ afhanskuju vajennuju formu, i adkryli ahoń. Jany zastrelili sałdat, jakija znachodzilisia ŭ stałovaj, a taksama vajskoŭcaŭ, jakija vychodzili ź miačeci na terytoryi bazy paśla piatničnaj malitvy.
Dakładnaj infarmacyi ab kolkaści zahinułych pakul niama. Afhanskaje ministerstva abarony nie apublikavała śpis achviar i zajaviła tolki, što paciarpieli abo zahinuli bolš za 100 čałaviek.
Inšyja čynoŭniki zajavili Bi-bi-bi pra 136 zahinułych. Adzin ź vidavočcaŭ śćviardžaje, što naličyŭ 165 trupaŭ.
Heta adzin z samych bujnych pa kolkaści achviar napadaŭ talibaŭ za apošnija hady. Jon vyklikaŭ abureńnie ŭ krainie, bo pastaviŭ pad pytańnie zdolnaść ŭrada supraćstajać «Talibanu».
