Scott Olson, AFP
24 krasavika były prezident ZŠA Barak Abama pravioŭ sustreču sa studentami Čykahskaha ŭniviersiteta. Heta było pieršaje publičnaje vystupleńnie Abamy paśla sychodu ź Biełaha doma. Padčas sustrečy jon staranna paźbiahaŭ vykazvańniaŭ ab biahučaj palityčnaj situacyi, pryśviaciŭšy vystup tamu, jak uklučać u palityku moładź.
Prajšło amal 100 dzion paśla taho, jak Abamu źmianiŭ u Biełym domie Donald Tramp. Baraku Abamu — 55 hod, i pakul rana kazać pra zaviaršeńnie jaho palityčnaj karjery.
Abama adbyŭ dva terminy prezidenctva. Hod tamu na pytańnie ab tym, ci staŭ by jon treci raz vyłučać svaju kandydaturu na prezidenckich vybarach u ZŠA, kali b heta adpaviadała zakonu, Abama adkazaŭ admoŭna.
«Nie staŭ by. Pierš za ŭsio, (žonka) Mišel mnie b hetaha nie dazvoliła». Pavodle jaho słoŭ, udzieł u prezidenckich vybarach — heta nie tolki vielizarny pryvilej, ale i nadychodzić momant, kali ŭ ciabie ŭžo «prosta niama śviežych noh». «I tady ty pačynaješ rabić pamyłki. Ci dumać, što važny ty, a nie (vykananaja) misija», - zajaviŭ tady Abama.
