Kampanija Telsa vypuścić vosieńniu elektrahruzavik, paviedamiŭ u svaim tvitary pradprymalnik i inžynier Iłan Mask.
Chutčej za ŭsio, hruzavik budzie mieć sistemu aŭtanomnaha kiravańnia. Taksama hienieralny dyrektar Tesla paviedamiŭ, što praz 18—24 miesiacy kampanija vypuścić elektryčny pikap.
Jašče ŭ 2016 hodzie Tesla vyrašyła nie abmiažoŭvacca adnymi tolki lehkavymi aŭtamabilami i vypuścić ułasny hruzavik. Čakajecca, što z dapamohaj hetaj navinki možna budzie značna skaracić vydatki na hruzapieravozki.
Biržy pazityŭna ŭspryniali hetuju navinu — akcyi Tesla praciahvajuć raści, chacia niekatoryja ekśpierty pastavilisia da hetaj naviny skieptyčna. Zaraz na aŭtamabil Tesla Model 3 bolš za 400 tysiač zamoŭ — heta bolš, čym kampanija vypuskaje aŭtamabilaŭ za hod. Dzie Tesla voźmie vytvorčyja mahutnaści jašče i na vypusk hruzavikoŭ — pakul nie zusim zrazumieła. Nie paviedamiŭ Iłan Mask i pra charaktarystyki elektrahruzavika.
Kiraŭnik Tesla adznačyŭ, što jaho kamanda zrabiła vydatnuju pracu, i vypusk hruzavika budzie źjaŭlacca vychadam na novy ŭzrovień.
U kamientarach pad tvitam Mask taksama paviedamiŭ, što novaja madel spartyŭnaha elektramabila Tesla Roadster budzie z adkidnym viercham.
