Taksi-servis Gett nabyŭ prajekt Juno, stvorany zasnavalnikami Viber Talmonam Marka i Iharam Mahazińnikam. Pra heta paviedamlaje TechSrunch sa spasyłkaj na zajavu hienieralnaha dyrektara Gett.
Suma ŭhody skłała 200 miljonaŭ dalaraŭ. Kampanii nie stali vydavać terminy zakryćcia ździełki i sposab apłaty.
Pahłynańnie zakranie ŭvieś isnujučy biznes Juno, uklučajučy sietku kiroŭcaŭ i supracoŭnikaŭ. Čatyry zasnavalniki Juno — Talmon Marka, Ihar Mahazińnik, Ofier Samoča i Sani Marueli — zastanucca ŭ Ńju-Jorku i zasiarodziacca na raźvićci Gett u ZŠA. Paśla kampanija płanuje raspaŭsiudzić svoj biznes na 100 jeŭrapiejskich haradoŭ.
Gett i Juno — anłajn-servisy dla vykliku taksi. Zaraz Gett pracuje bolš čym u sta haradach śvietu, Juno — tolki ŭ Ńju-Jorku. Dźvie kampanii kankuravali pamiž saboj, a taksama z Uber — najbujniejšym u śviecie taksi-servisam, aktyŭnym u 579 haradach.
