Zatrymany načalnik transpartnaj inśpiekcyi pa Homielskaj vobłaści Siarhiej Čučvaha, paviedamili TUT.BY dźvie nie źviazanyja pamiž saboj krynicy.
Hetuju infarmacyju paćvierdziła krynica ŭ pravaachoŭnych orhanach. Pavodle jaje źviestak, jašče ŭ siaredzinie minułaha tydnia kiraŭnik byŭ zatrymany ŭ svaim pracoŭnym kabiniecie. U Transpartnaj inśpiekcyi pa Homielskaj vobłaści infarmacyju ab zatrymańni načalnika kamientavać admovilisia, tym nie mienš, paviedamili, što Siarhiej Čučvaha adsutničaje na pracoŭnym miescy.
U centralnym aparacie Transpartnaj inśpiekcyi Mintransa taksama nie zmahli paćvierdzić abo abvierhnuć zatrymańnie i paraili źviarnucca ŭ adpaviednyja orhany. SK infarmacyju pakul nie kamientuje.
Charakterna, što amal hod tamu była zaviedziena kryminalnaja sprava ŭ dačynieńni da načalnika adździeła filijała HU «Transpartnaja inśpiekcyja Ministerstva transpartu i kamunikacyj», jaki byŭ zatrymany z dokazami złačynstva niepasredna paśla atrymańnia niezakonnaha ŭznaharodžańnia. Znachodziačysia pad apieratyŭnym kantrolem, transpartnik atrymaŭ ad indyvidualnaha pradprymalnika 1150 dalaraŭ za toje, kab jaho hruzavyja aŭtamabili nie uzvažvali, a dakumienty na hruz nie praviaralisia.
