Novaje radovišča nafty vyjavili ŭ Žłobinskim rajonie Homielskaj vobłaści, paviedamlaje Tut.by sa spasyłkaj na Ministerstva pryrody. Pavodle papiarednich dadzienych, hieałahičnyja zapasy novaha radovišča składuć ad 350 da 800 tysiač ton.
«U chodzie vykanańnia dziaržaŭnaj prahramy «Achova navakolnaha asiarodździa i ŭstojlivaje vykarystańnie pryrodnych resursaŭ» na 2016—2020 hady dziaržaŭnym pradpryjemstvam «NPC pa hieałohii» na Uschodnie-Dabrahaščanskaj płoščy (Žłobinski rajon, Homielskaja vobłaść) vyjaŭlenaja novaje radovišča nafty», — paviedamili ŭ pres-słužbie viedamstva.
Śpiecyjalisty ličać, što zapasy na vyjaŭlenym radoviščy składuć ad 350 da 800 tysiač ton. Bolš dakładnuju acenku śpiecyjalisty daduć paśla zaviaršeńnia vyprabavańniaŭ.
Letaś było adkrytaje jašče adno radovišča. Jano znachodzicca ŭ miežach pramiežkavaha błoka rehijanalnaha Rečycka-Višanskaha razłomu Prypiackaha prahinu i atrymała nazvu Uholskaje.
