U biełaruskaha śpievaka Maksa Karža paśla pieršaha kancerta ŭ ZŠA skrali hitaru, hrošy i dadatkovuju zaradku. Pra heta Maks paviedamiŭ u svaim instahramie.
Foty ź Instahrama śpievaka.
Jašče ŭčora ŭviečary ŭ Instahramie Karža išła žyvaja tranślacyja, na jakoj ničoha nie było vidać, tolki byli čutnyja pieśni pad hitaru i razmovy śpievaka ź siabrami.
Voś što adbyvałasia nasamreč:
«Strata hitary. Pieršy kancert u Štatach viadoma byŭ nie takim šmatludnym jak zvyčajna ŭ nas, ale ŭsio ž było dušeŭna. Dziakuj usim, chto byŭ. Paśla vystupu, natchniony samim faktam znachodžańnia ŭ hetaj kropcy ziamli, ja ŭziaŭ hitaru i pajšoŭ sačyniać na plaž. (…) Pa darozie ja sustreŭ svaich chłopcaŭ, i my znoŭ pajšli na plaž, nieprykmietna abychodziačy kopaŭ. Zabralisia na haru šezłonhaŭ i pačali kryčać dvarovyja pieśni. My byli ŭ Majami, ale nam zusim nie patrebna była ich muzyka. My śpiavali svajo, byccam nabližajučy tych, z kim vykonvali ich ža na łuninieckim stadyku, u letnich łahierach, u dvarach, z tymi, kamu nikoli nie nakanavana pabyvać tut …, dla kaho Amieryka nazaŭždy zastaniecca prosta kazkaj, niekali zusim niepatrebna zapoŭniła ich hałovy marami. U takija momanty chočacca ŭziać i pryvieźci siudy ŭsich, chto darahi, ale častka hetych ludziej užo lažała sa mnoj na hary šezłonhaŭ i my byli ščaślivyja. Paśla taho jak pramaja tranślacyja ŭ inście vysadziła mnie ŭsiu batareju, my vyrašyli pafotkacca u chatcy ratavalnikaŭ malibu, litaralna ŭ 2-ch krokach».
Našu praciahłuju fotasiesiju pierapyniŭ mužyk, jaki paviedamiŭ nam, što bačyŭ jak niejkich 2 *** paciahnuli našu hitaru. Chutka ja vyjaviŭ adsutnaść u svaim zaplečniku paŭerbanka i, uvaha, usich hrošaj, što ŭ mianie byli! My pajšli na pošuki, choć było zrazumieła, što šancaŭ nul, pacany spracavali idealna. Pabadziaŭšysia jašče paru hadzin pa navakolli, raspaviadajučy našu historyju kožnamu biazdomnamu, nami było pryniata rašeńnie zrabić pierapynak na son. Voś tak, aśleplenych vybliskami focika, Amieryka pryniała nas sa svajoj firmovaj haścinnaściu, ale ničoha strašnaha, bo heta prosta naš film, i jon tolki pačynajecca. PS Skłaści ŭsio ž sioje-toje atrymałasia!
