Administracyja prezidenta Ukrainy nazvali chłuśnioj dadzienyja vydańnia «Kommiersant» ab tym, što rasijski i ŭkrainski prezidenty Uładzimir Pucin i Piatro Parašenka praciahvajuć pravodzić telefonnyja razmovy, paviedamlaje «Ukrainskaja praŭda».
«Adzinaja razmova ŭ krasaviku adbyłasia 18 krasavika ŭ «narmandskim farmacie», pra što było paviedamlena ŭ sumiesnym pres-relizie čatyroch pres-słužbaŭ», - skazali ŭ administracyi Parašenki.
U tekście rasijskaha vydańnia kazałasia, što baki nie stali davodzić da ahulnaha viedama fakt kantaktaŭ prezidentaŭ dźviuch krain, kab nie davać supiernikam Parašenki lišniaj nahody dla abvinavačvańnia jaho ŭ «niepatryjatyčnych pavodzinach».
Pa dadzienych krynic, lidary dźviuch krain abmierkavali situacyju na Danbasie, u tym liku abmien pałonnymi, a taksama pastaŭki ŭ rehijon praduktaŭ charčavańnia, vady i elektryčnaści i vypłatu ŭkrainskich piensij žycharam samaabvieščanych respublik.