Nasupierak papiaredžańniam pra ŭzmocnieny pamiežny kantrol udzielniki festu pierasiakli miažu biez prablemaŭ. Pieršy dzień festu raspačaŭsia z kancertu hurtoŭ-pieramožcaŭ konkursu na Eŭraradyjo.
Papiaredžańnie pra ŭzmocnieny pamiežny kantrol na šlachu ŭ Lvoŭ nia spraŭdziłasia. Abiedźvie pamiežnyja słužby pastavilisia da ŭdzielnikaŭ festu maksymalna karektna. Ab 11-j u Parku kultury imia Bahdana Chmialnickaha raspačaŭsia saŭnd-ček. Aficyjny pačatak Be Free byŭ zaplanavany a 14-j hadzinie. Adnak kancert raspačaŭsia amal na hadzinu paźniej. Varta adzačyć, što papiaredni bujny rok-fest u Lvovie “Starie misto” spaźniŭsia na 3 hadziny.
Siońniašni festyval raspačaŭ Alaksandar Pamidoraŭ. My pa-raniejšamu nia možam ładzić takija maštabnyja akcyi ŭ siabie na Radzimie, tamu padziakujem Ukrainie za toje, što druhi hod zapar jana daje nam takuju mahčymaść, zaŭvažyŭ muzyka.
Pieršymi na scenu vyjšli hurty-pieramožcy konkursu na Eŭraradyjo. Na hety momant pobač ź placoŭkaj sabrałasia niekalki socien čałaviek. Pobač sa scenaj załunali bieł-čyrvona-biełyja ściahi. Na plačach u adnaho z hledačoŭ byŭ nacyjanalny ŭkraiski ściah.
Siońnia ŭ rahramie taksama hurty BN, Partyzone, Pomidor/OFF, Znich, zygimont Vaza, Zet (usie -- Biełaruś), Inkunabuła, Hajdamaki (Ukraina), Vladivostok (Francyja).
