Vola Dziemka i Alaksandra Butar
Pieršaja atrymała ŭznaharodu ŭ naminacyi «Ramantyčnyja hulniavyja mastackija filmy» za kinastužku «Sałodkaje raźvitańnie Viery». Druhaja ž dziaŭčyna, jakaja zaraz žyvie ŭ ZŠA, była adznačana za dakumientalny film «Pieśni staroj Jeŭropy — staradaŭnija biełaruskija narodnyja pieśni».
«Naminantami WorldFest u svoj čas byli Styvien Śpiłbierh, Džordž Łukas, braty Koeny, Rydli Skot i šmat inšych vybitnych pradstaŭnikoŭ kinaindustryi. Našyja samyja ščyryja padziaki arhanizataru i pradziusaru Chanteru Toddu, za toje, što paličyŭ film ab biełaruskaj kultury i narodnych pieśniach vartym hetaha mierapryjemstva», — nie chavaje svaich emocyj pieramožca Vola Dziemka.
Usiaho ž u WorldFest-Houston pryniali ŭdzieł bolš za 800 režysioraŭ, pradziusaraŭ i prafiesijanałaŭ z haliny kino. U konkursnaj prahramie za zvańnie lepšych zmahalisia 194 filmy z 43 krain.
