Z-za niespryjalnych umoŭ nadvorja pryniata rašeńnie admianić pavietranuju častku vajskovaha paradu na Krasnaj płoščy ŭ Maskvie. Pra heta abviaściła Minabarony Rasii.
Samaloty i viertaloty, jakija pavinny byli ŭdzielničać u paradzie, viernucca na aeradromy baziravańnia, havorycca ŭ zajavie abaronnaha viedamstva.
U paradzie ŭ honar 72-j hadaviny pieramohi ŭ Vialikaj Ajčynnaj vajnie pavinny byli pryniać udzieł 72 viertaloty i samaloty.
Hidramietcentr prahnazavaŭ 9 maja ŭ Maskvie mokry śnieh, doždž i viecier chutkaściu 7-12 mietraŭ u siekundu. 8 i 9 maja ŭ Maskvie vypała 36 milimietraŭ apadkaŭ - kala 70 pracentaŭ miesiačnaj normy.
Była zroblena sproba razahnać vobłačnaść nad Maskvoj na čas paradu, ale jana skončyłasia niaŭdačaj. Na razhon abłokaŭ ŭ Dzień Pieramohi ŭ Maskvie płanavałasia vydatkavać 98 miljonaŭ rubloŭ (kala 1,5 młn dalaraŭ).
