U aŭtorak u stalicu Hruzii prylaciać prezydenty piaci dziaržavaŭ — Nikala Sarkazi (Francyja), Lech Kačyński (Polšča), Vałdas Adamkus (Litva), Viktar Juščanka (Ukraina) i Chiendryk Ilvies (Estonija).
Kiraŭniki piaci krain majuć namier vykazać padtrymku Hruzii, jaje narodu i prezydentu Michaiłu Saakašvili. Jak paviedamlaje pres‑słužba litoŭskaha lidera, napiaredadni Vałdas Adamkus prainfarmavaŭ pra vizyt kiraŭnika ZŠA Džordža Buša, jaki padtrymaŭ inicyjatyvu piaci prezydentaŭ eŭrapiejskich krain.
Miž tym, ranicaj 12 žniŭnia rasiejskija i abchaskija padraździaleńni pašli na šturm hruzinskich pazycyj u vierchniaj častcy Kadorskaj ciaśniny.
Ciaham aperacyi padraździaleńni zadziejničali roznyja vidy zbroi, u tym liku artyleryju i ŭstanoŭki załpavaha ahniu «Hrad».
Ministar zamiežnych spravaŭ niepryznanaj Abchazii Siarhiej Šamba zajaviŭ, što pa «źviestkach, jakija jon maje, aperacyja raźvivajecca pa planu».
