Jak adznačyŭ karespandent NN, padčas śviatkavańnia Dnia Pieramohi kidaŭsia ŭ vočy ŭpłyŭ rasijskaj prapahandy i ŭciahnutaść biełarusaŭ u jaje koła.
Hieorhijeŭskija stužački adkryta nie razdavali, adnak mnohija ludzi sami pryjšli na płošču, upryhožyŭšysia imi. Stužki z «jabłynievym ćvietam», lichamankava prydumanyja dziaržideałohijaj niekalki hadoŭ tamu jak by ŭ procivahu, byli ŭ asnoŭnym na «pradstaŭnikach pracoŭnych kalektyvaŭ» i školnikach, što trapili siudy pa raznaradcy.
A «hieorhijeŭskija» mnohija z tych, chto byŭ na płoščy, čaplali pa ŭłasnaj inicyjatyvie. Imi ŭpryhožvali damskija sumački, aŭtamabili, partrety prodkaŭ-vieteranaŭ. Vialikaja siamja ź Minska navat pašyła ściahi ŭ «hieorhijeŭskich» kolerach. Małych dzietak adziavali «sałdatami Pieramohi». Staryja kamunisty prynieśli partrety Stalina i ściahi SSSR. Vakoł płoščy fłaniravali chłopiec i dziaŭčyna ŭ enkavedysckaj formie — ź imi aktyŭna fatahrafavalisia minčuki i hości stalicy.
«Ściažki Pieramohi» pradavali ludzi z parušeńniami słychu.
Hieorhijeŭskaja stužačka na «Micubisi». Japonija, darečy, była sajuźnicaj Hiermanii ŭ vajnie.
Mamy adzieli małych dzietak «sałdatami Pieramohi».
Kazak Usievialikaha vojska Danskoha išoŭ u kałonie minskaha «Nieśmiarotnaha pałka».
Pradstaŭniki praŭładnaj Kampartyi tradycyjna vynieśli partrety Stalina.
Vakoł płoščy fłaniravali chłopiec i dziaŭčyna ŭ enkavedysckaj formie — ź imi aktyŭna fatahrafavalisia minčuki i hości stalicy.
Vialikaja siamja ź Minska pašyła ściahi ŭ «hieorhijeŭskich» kolerach.
Na śviacie byli zaŭvažanyja aktyvisty adyjoznaha prarasijskaha «Nacionalno-osvoboditielnoho dvižienija».
Nu, za Pieramohu!
Załp.
