Prezident Francyi Emanuel Makron nazvaŭ novaha premjer-ministra krainy. Urad uznačalić 46-hadovy Eduar Filip, mer horada Havr, paviedamlaje VVS.
Getty
«Prezident pryniaŭ rašeńnie pryznačyć Eduara Filipa premjer-ministram. Daručyŭ jamu sfarmavać urad», — paviedamiŭ žurnalistam pradstaŭnik Jelisiejskaha pałaca Aleksi Koler.
Cyrymonija ŭstupleńnia premjera na pasadu pavinna adbycca da kanca paniadziełka.
Eduar Filip jašče padčas vučoby ŭ Instytucie palityčnych daśledavańniaŭ u Paryžy ŭstupiŭ u Sacyjalistyčnuju partyju i ŭdzielničaŭ u palityčnaj kampanii Mišela Rakara, jaki zajmaŭ tady pasadu premjer-ministra krainy.
Paźniej palityčnyja pohlady Filipa zrušylisia ŭprava. Paśla zakančeńnia vučoby jon pastupiŭ na pracu ŭ dziaržaŭny saviet Francyi, dzie zajmaŭsia dziaržaŭnymi zakupkami.
U 2008 hodzie Eduar Filip byŭ abrany členam Hienieralnaha savieta departamienta Prymorskaja Siena ad kantona Haŭr-5, a ŭ 2010 hodzie jon staŭ meram Haŭra.
Da pačatku 2017 hoda Filip zajmaŭ pasadu pres-sakratara adnaho ź lidaraŭ partyi «Respublikancy» Alena Župe. Paśla taho jak Župe nie ŭdałosia stać kandydatam u prezidenty Francyi ad «Respublikancaŭ», Filip padtrymaŭ Makrona.