Milicyja zatrymała 35-hadovaha minčuka, jaki zładziŭ stralbu ź pnieŭmatyčnaj vintoŭki ŭ centry horada. Mužčyna zajaviŭ, što chacieŭ napałochać nadakučlivych krumkačoŭ, a ŭ vokny kvater trapiŭ vypadkova. Padrabiaznaści paviedamlaje HUUS Minharvykankama.
U milicyju źviarnulisia dźvie žančyny, jakija znajšli paškodžańni na voknach u svaich kvaterach. Byŭ zatrymany 35-hadovy mužčyna.
Padazravany patłumačyŭ, što jaho pačali mocna razdražniać krumkačy za voknami, tamu jon vyrašyŭ ich spudzić. Dla hetaha ŭziaŭ svaju pnieŭmatyčnuju vintoŭku i stralaŭ pa ptuškach, ale kuli patrapili ŭ vokny doma nasuprać.
Centralnym (horada Minska) rajonnym adździełam Śledčaha kamiteta raspačata kryminalnaja sprava pa č.1 art. 339 (Chulihanstva). Sankcyja artykułu - ad hramadskich rabot i až da 3 hadoŭ pazbaŭleńnia voli.
Nahadajem, što anałahičny vypadak adbyŭsia ŭ krasaviku ŭ Salihorsku. Tam 56-hadovy mužčyna stralaŭ u dvary pa krumkačach ź pnieŭmatyčnaj vintoŭki, a trapiŭ u akno dziciačaha sada.
