U Biełarusi razhladajecca mahčymaść abmiežavańnia času realizacyi śpirtnych napojaŭ u handlovaj sietcy. Pra heta, jak pieradajuć «Minsk-Naviny», paviedamiŭ na pres-kanfierencyi 17 maja ministr achovy zdaroŭja Respubliki Biełaruś Valeryj Małaška.
«Siońnia siaredniestatystyčny biełarus spažyvaje kala 8-9 litraŭ mocnaha ałkaholu ŭ hod. Heta drenna. I heta toj faktar ryzyki, jaki realna niehatyŭna ŭpłyvaje na zdaroŭje čałavieka, — adznačyŭ Małaška. — Dla prafiłaktyki ałkahalizmu my pavinny ŭžyvać usie tyja miery, jakija vykarystoŭvajuć u raźvitych krainach śvietu: abmiežavalnaha, prafiłaktyčnaha i lačebnaha charaktaru. Kali pra ałkahol, to heta arhanizacyja handlu śpirtnymi napojami ŭ peŭnych miescach — u śpiecyjalna zaharodžanych adździełach i śpiecyjalnych kramach, a nie na ŭsieahulnym ahladzie. Akramia taho, nieabchodna abmiežavać čas realizacyi śpirtnoha ŭ handlovaj sietcy. Adpaviednyja prapanovy ab uniasieńni źmianieńniaŭ i dapaŭnieńniaŭ u Dekret prezidenta Respubliki Biełaruś № 18 znachodziacca na razhladzie ŭ Administracyi prezidenta».
Na jaho dumku, zhadanyja abmiežavalnyja miery patrebnyja ŭ pieršuju čarhu dla taho, kab koła spažyŭcoŭ śpirtnoha nie pašyrałasia.
