Na maskoŭskim stadyjonie «Adkryćcio Arena», dzie 17 maja hulaŭ «Spartak» z «Cierak», zatrymali adnaho z salistaŭ hurta «Bi-2» Jahora Bortnika, viadomaha pad psieŭdanimam Lova Bi-2. Pa dadzienych krynicy TASS, u jaho znajšli pakiecik z marychuanaj.
Aficyjna ŭ palicyi paviedamili pra zatrymańnie čałavieka «pa padazreńni ŭ zachoŭvańni rečyvaŭ, kanfiskavanych z hramadzianskaha abarotu», ale nie nazvali jaho imia. Dyrektar hurta «Bi-2» Rusłan Vołkaŭ zajaviŭ RBK, što nie viedaje ab zatrymańni salista.
Jak paviedamiła TASS infarmavanaja krynica, Lovu Bi-2 moža pahražać administracyjnaja adkaznaść.
«Havorka idzie pra artykuł Kodeksa RF ab administracyjnych parušeńniach» Niezakonny abarot narkatyčnych srodkaŭ». Dadzieny artykuł praduhledžvaje pakarańnie ŭ vyhladzie administracyjnaha štrafu ŭ pamiery ad čatyroch tysiač da piaci tysiač rasijskich rubloŭ (132-164 biełaruskija) abo administracyjny aryšt na termin da piatnaccaci sutak», - skazaŭ surazmoŭca ahienctva.
***
Jahor Bortnik (Lova) naradziŭsia ŭ 1972 h. u Minsku. U 1985 h. u minskaj dziciačaj teatrelnaj studyi paznajomiŭsia z Alaksandram Umanam (Šura). Jany ŭ 1988 h. stvaryli hurt «Braty pa zbroi», jaki ŭ vyniku staŭ zvacca Bi-2.
