Šviedskaja prakuratura spyniła rasśledavańnie spravy ab zhvałtavańni suprać zasnavalnika WikiLeaks Džulijana Asanža. Ordar na aryšt aktyvista taksama budzie admienieny.
AFP
Jak paviedamlajecca na sajcie prychilnikaŭ Asanža, heta stała mahčyma z-za rašeńnia rabočaj hrupy AAN pa pytańniach zaklučeńnia pad vartu. U lutym 2016 hoda heta hrupa vyrašyła, što Šviecyja i Vialikabrytanija pazbaŭlajuć Asanža prava na svabodu.
Pry hetym Vialikabrytanija pakul nie patłumačyła, ci pastupaŭ im zapyt ab vydačy Asanža ad amierykanskich uładaŭ, z-za jakoha Asanža taksama mohuć aryštavać. Palicyja zajaviła, što pakul u ich jość rasparadžeńnie aryštavać Asanža, kali toj pakinie pasolstva Ekvadora.
Z červienia 2012 hoda Asanž znachodzicca u pasolstvie Ekvadora ŭ Łondanie, bajučysia aryštu i vydačy Šviecyi.
U svaju čarhu brytanskaja palicyja zajaviła, što aryštuje Asanža, kali jon pakinie pasolstva Ekvadora ŭ Łondanie.
Pa źviestkach viedamstva, Asanž budzie aryštavany z-za taho, što 29 červienia 2012 hoda nie źjaviŭsia na sudovaje pasiadžeńnie. Ordar na jaho aryšt vydaŭ Viestminsterski mahistracki sud, dadali ŭ palicyi.