Bolš za 80% biełaruskich škoł hatovyja pačynać zaniatki a 9 ranicy. Takuju vysnovu ahučyli ŭ prahramie «Hałoŭny efir» na telekanale «Biełaruś 1»
Pryvodziačy arhumienty na karyść «miakkaj hadziny» — zrušeńnia času pačatku zaniatkaŭ u školnikaŭ, na čym nastojvaŭ kiraŭnik Biełarusi — žurnalisty telekanała, u pryvatnaści, aktyŭna cytavali doktara Vendzi Troksieł, prafiesara psichijatryi Pitsburhskaha ŭniviersiteta.
Jana, u pryvatnaści, zapeŭnivaje, što pry ekśpierymiencie sa zrušeńniem času pačatku urokaŭ na bolš poźni propuski zaniatkaŭ u škołach skaracilisia ŭ hetym rajonie na 25%, vyniki testaŭ pa matematycy i čytańnia palepšylisia na 2-3%, a pieraniasieńnie zaniatkaŭ na bolš poźni čas akazałasia nastolki efiektyŭnym, jak pamianšeńnie pamieraŭ kłasaŭ na tracinu abo zamiena pasrednaha vykładčyka na vydatnaha.
Pry hetym u prahramie adznačana, što čas pačatku zaniatkaŭ nie źmienicca ŭ škołach, dzie navučańnie idzie ŭ dźvie źmieny, bo ŭroki, zhodna z sanitarnymi normamami, nie mohuć zakančvacca paźniej 19.30.
