Sukupny acenačny košt usich pabudavanych u śviecie abjektaŭ žyłoj i kamiercyjnaj nieruchomaści, a taksama lasnych učastkaŭ i sielskahaspadarčych ziamiel składaje $228 trłn, vyśvietlili ekśpierty mižnarodnaha ahienctva nieruchomaści Savills. Heta ŭ 1,3 razu bolš za košt usich akcyj, ablihacyj i daŭhavych kaštoŭnych papier ($170 trłn) i ŭ 35 razoŭ — za ŭsio kali-niebudź zdabytaje zołata ($6,5 trłn), piša RBK.
Tolki za minuły hod suśvietnaja nieruchomaść vyrasła ŭ canie na 5%, adznačajuć ryełtary. Tak, pa stanie na studzień 2016-ha ahulny košt usich nieruchomych aktyvaŭ składaŭ $217 trłn. Dla paraŭnańnia: suśvietny VUP vyras za 2015-2016 hady usiaho na 2,3%. Takim čynam, usie abjekty nieruchomaści ŭ śviecie aceńvajucca ŭ 2,8 razy daražej, čym suśvietny hadavy VUP (u 2015 hodzie hetyja suadnosiny składali 2,7), havorycca ŭ materyjałach Savills.
