Miesca hubiernatara Minskaj vobłaści, miarkujučy pa ŭsim, pustavała niadoŭha. Na pasadu staršyni Minabłvykankama pradrakajuć Fiodara Damacienku, u dadzieny momant zajmaje pasadu hiendyrektara Minskaha traktarnaha zavoda. Pra heta TUT.BY raspaviali niekalki krynic.
Fota: Siarhiej Bałaj, TUT.BY
Damacienka ŭznačaliŭ traktarny zavod u žniŭni 2014 hoda. Pry im pradpryjemstva pieraadoleła kryzis 2014-2015 hadoŭ i adno ź niamnohich u halinie vyjšła va ŭstojlivy plus. Da hetaha jon paŭtara hoda byŭ pamočnikam prezidenta — hałoŭnym inśpiektaram pa Minsku.
Fiodar Damacienka naradziŭsia ŭ 1957 hodzie. Z 1983 hoda jaho vytvorčaja dziejnaść była źviazanaja ź Biełaruskim aŭtamabilnym zavodam, dzie jon prajšoŭ šlach ad inžyniera-elektronika da pieršaha namieśnika hienieralnaha dyrektara pa techničnych pytańniach i raźvićci. U 2010 hodzie Damacienka pryznačany staršynioj Maładziečanskaha rajvykankama.
24 maja Siamion Šapira byŭ vyzvaleny ad pasady staršyni Minabłvykankama ŭ suviazi ź pierachodam na inšuju pracu. 20 maja jon staŭ staršynioj Fiederacyi chakieja. Pa infarmacyi TUT.BY, jamu taksama pradrakajuć pasadu vice-prezidenta Nacyjanalnaha alimpijskaha kamiteta i paŭprada prezidenta.
