Arhanizatary fiestyvalu Wacken Open Air na poŭnačy Hiermanii pabudujuć ułasny piŭny trubapravod, pryznačany dla zdavoleńnia smahi naviedvalnikaŭ, pieradaje 34 travel.
DPA
Štohod naviedvalniki festa vypivajuć kala 400 tysiač litraŭ piva. Na mierapryjemstva ŭ žniŭni ŭ nievialiki pasiołak Vakien źjazdžajucca da 75 tysiač turystaŭ z roznych krain śvietu. Dla paraŭnańnia: u samim pasiołku pastajanna pražyvaje mienš za dźvie tysiačy čałaviek.
Trubapravod pavinien abaranić ziamlu ad znosu pad kołami hruzavikoŭ, jakija padvoziać piva na fiestyval. Taksama truba pazbavić rabotnikaŭ fiestyvalu ad nieabchodnaści pastajanna zamianiać spuściełyja bočki poŭnymi.
Akramia hetaha, da fiestyvalu abnoviać kanalizacyju i sistemu dastaŭki pitnoj vady, a palepšanaja drenažnaja sistema dazvolić paźbiehnuć źjaŭleńnia hihanckich łužyn. Ahulny abjom inviestycyj u palapšeńni składzie prykładna miljon jeŭra.
Drukujecca ŭ miežach śpiecyjalnaj rubryki «Naviny Hiermanii»
