Kiraŭniki Polščy, Łatvii, Litvy i Estonii vystupili z krytykaj planu mirnaha ŭrehulavańnia ŭ Hruzii.
Plan byŭ uchvaleny ŭ Maskvie prezydentami Francyi Nikala Sarkazi i Rasiei Dźmitryjem Miadźviedzievym.
U sumiesnaj zajavie čatyroch prezydentaŭ adznačana, što ŭ planie ničoha nie skazana pra pavahu da terytaryjalnaj cełaści Hruzii. Čatyry krainy taksama zaklikali pryniać Hruziju ŭ NATO, kab praduchilić u dalejšym lubyja akty ahresii suprać jaje.
Zajavu pračytaŭ u sieradu ŭ Bruseli prezydent Litvy Vałdas Adamkus.
Tym časam premjer-ministar Turcyi Redžep Erdahan sustreŭsia ŭ Maskvie z prezydentam Rasiei Dźmitryjem Miadźviedzievym i abmierkavaŭ ź im sytuacyju ŭ Hruzii. Erdahan planuje sustrecca ŭ čaćvier z Uładzimiram Pucinym, a paśla hetaha vylacieć u Tbilisi dla sustrečy z prezydentam Hruzii Michaiłam Saakašvili.